जीतपु ,१६ कात्तिक । बाराको जीतपुरसिमरा उपमहानगरपालिका–७ जीतपुरमा फेरि एक महिनामै दोस्रो पटक बेवारीसे नवजात शिशु फेला परको छ ।
करिब महिना दिनअघि मगर टोलमा १० महिनाकी बालिका अलपत्र अवस्थामा फेला परेकी थिइन् । उनका अभिभावक अझैसम्म पत्ता लाग्न सकेका छैनन् । त्यो घटनाको एक महिना नपुग्दै, त्यही वडा–७ कै छठीमाई घाट नजिकै भर्खरै जन्मिएको एक नवजात शिशु फेला परेको हो ।
स्थानीयले घाट नजिकै रोइरहेको शिशु देखेपछि प्रहरीलाई खबर गरेका थिए । त्यसपछि इलाका प्रहरी कार्यालय जीतपुरको टोली घटनास्थल पुगेर बालकलाई उद्धार गरी आफ्नो जिम्मामा लिएको हो । बालकको स्वास्थ्य परीक्षण सिमरा अस्पतालमा गरिएको छ ।
अस्पताल स्रोतका अनुसार बालकको अवस्था सामान्य रहेको छ । फेला परेको शिशु १/२ दिन को जस्तो देखिँन्छ । लगातार छोटो अवधिमा दुई निर्दोष बालबालिकालाई छोडिएको घटनाले स्थानीयवासी स्तब्ध बनेका छन् ।
