कलैया,३१ असोज । पर्सा प्रहरीले बैकिङ कसुर मुद्दाका फरार प्रतिवादी एक जनालाई पक्राउ गरेको छ ।
Advertisement
पक्राउ पर्नेमा वीरगञ्ज महानगरपालिका वडा नं.१६ निवासी अन्दाजी ३२ वर्षीय अनिल कुमार साह रहेको जिल्ला प्रहरी कार्यालय पर्साले जनाएको छ । विशेष सूचनाको आधारमा पर्साबाट खटिएको टोलीले उनलाई पक्राउ गरेको हो ।
Advertisement
पर्सा जिल्ला अदालतबाट २०८१ भदौ २४ गतेको आदेशले बैंकिङ कसुर मुद्दामा २ वर्ष कैद सजाय तथा अन्य दुई मुद्दाहरूमा एक करोड ९२ लाख ४० हजार रुपैयाँ समेत जरिवाना तोकिएका फरार प्रतिवादी साहलाई प्रहरीले पक्राउ गरेको हो ।
Advertisement
उनलाई वीरगञ्ज महानगरपालिका वडा नं.१५ ब्रहमचोक स्थितबाट शुक्रबार पक्राउ गरिएको पर्साका प्रहरी प्रवक्ता हरि बहादुर बस्नेतले जानकारी दिएका छन् ।
उनलाई पक्राउ गरी आजै सम्मानित पर्सा जिल्ला अदालतमा बुझाइएको प्रवक्ता बस्नेतले जानकारी दिए ।
प्रतिक्रिया लेख्नुहोस्
