सुनको मूल्य १८ सयले बढ्यो 

बारा, २४ वैशाख । नेपाली बजारमा आज सुनचाँदीको मूल्य बढेको छ ।

सुनको मूल्य तोलामा १ हजार ८ सय रुपैयाँले बढेर प्रतितोला २ लाख ९८ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

यस अघि बुधबार सुन प्रतितोला २ लाख ९६ हजार ८ सय रुपैयाँमा कारोबार भएको थियो । चाँदीको मूल्य आज तोलामा १०० रुपैयाँ बढेको छ ।

अघिल्लो दिन प्रतितोला ५ हजार ५५ रुपैयाँमा कारोबार भएको चाँदी आज ५ हजार १५५ रुपैयाँ पुगेको महासंघले जनाएको छ ।