राजविराज । सशस्त्र प्रहरीले सप्तरी जिल्ला राजगढ गाउँपालिका–२ कमलपुरस्थित दशगजा ईलाकाबाट १ सय ७ कार्टुन मदिरा बरामद गरेको छ ।
Advertisement
सशस्त्र प्रहरी बल नेपाल प्रस्तावित सीमा सुरक्षा गुल्म पातोबाट सशस्त्र प्रहरी नायब निरीक्षक अमृत कुमार श्रेष्ठको कमाण्डमा खटिगएको मोबाईल गस्तीले नेपालबाट अवैध रुपमा भारततर्फ लैजाँदै गरेको मामाश्री ब्राण्डको (मदिरा) सहित ओसारपसारमा संलग्न दुई जना व्यक्तिलाई समेत नियन्त्रणमा लिएको हो ।
Advertisement
नियन्त्रणमा लिइएकाहरुमा सप्तरी जिल्लाको राजगढ गाउँपालिका–२ कमलपुर बस्ने बर्ष २६ को नारायण यादव र सोही गाउँपालिका–३ झुटकी बस्ने बर्ष २४ को रोहित मुखिया रहेका छन् । उनीहरुलाइ बरामद मदिरासहित थप कारवाहीको लागि राजबिराज भन्सार कार्यालय तिलाठिमा बुझाईएको छ ।
Advertisement
प्रतिक्रिया लेख्नुहोस्
