बारा , १५ असार । रौतहटमा बस दुर्घटना हुँदा एक जनाको मृत्यु भएको छ भने ८ जन घाइते भएका छन् ।
गौरबाट भैरहवा तर्फ जादै गरेको ना.७ खं ८४१४ नम्वरको बस गौर चन्दरनिगाहपुर सडकखण्ड अन्तर्गत जयनगर चोकमा आज विहान ८ बजे आफै अनियन्त्रित भई दुर्घटना भएको हो ।
दुर्घटनामा परी माधवनारायण नगरपालिका वडा नम्बर ३ बस्ने शैलेन्द्र कुमार गिरीको १८ बर्षिया छोरी नेहा कुमारी गिरीको मृत्यु भएको ईलाका प्रहरी कार्यालय गरुडाले जनाएको छ ।
दुर्घटना लगत्तै इलाका प्रहरी कार्यालय गरुडा र शिवनगरबाट गएको प्रहरी टोलीले घाइतेहरुको उद्धार गरेर उपचारको लागि स्थानीय अस्पतालमा पठाइएको छ । दुर्घटना पछि बसका चालक र सहचालक फरार रहेको दुर्घटना बारे थप अनुसन्धान भइरहेको प्रहरीले जनाएको छ ।
प्रतिक्रिया लेख्नुहोस्
