


बारा,१४ पुस । नेपाल क्रिकेट संघको आयोजनामा हुने ‘जय ट्रफी पुरुष एलिट कप’ क्रिकेट प्रतियोगिता बाराका अनिल शाह नखेल्ने भएका छन ।
नेपाल प्रिमियर लिग(एनपिएल)मा घाइते भएका अनिल आगामी पुस २१ देखि हुने जय ट्रफी प्रतियोगिता पनि गुमाउने भएका हुन । उनको बायाँ हातको औँलामा चोट लागेको थियो। उनले यस अघि एनपीएलको सेमिफाइनल र फाइनल गुमाएका थिए।
सेतो जर्सी तथा रेड बलको प्रयोगमा खेलिने एलिट कप प्रतियोगिता आगामी पुस २१ देखि माघ ३ गतेसम्म मधेश प्रदेशको विरगञ्ज र जनकपुरमा हुनेछ ।