कलैया, २५ जेठ। बाराको ३ फरक-फरक ठाउँमा आगलागी हुदाँ लाखौंको क्षति भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले बुलेटिन जारी गर्दै जेठ २३ र २४ गते भएको आगलागीमा ७ लाखभन्दा बढीको क्षति भएको जनाएको हो।
जिल्लाको प्रसौनी गाउँपालिकाको वडा नं ७ बन्जरियामा एउटा गोठमा आगलागी हुदाँ काठ दाउरा गरी १ लाख ५० हजार रूपैयाँ बराबरको क्षति भएको हो। यस्तै प्रसौनी कै वडा नं ६ बेलहिया स्थित एउटा घरमा छेउमा राखिएको खरानीबाट आगो सल्किएर ३ वटा गोठघर जली साइकल, काठ गरी ३ लाख ५० हजार रूपैयाँ बराबरको क्षति भएको प्राधिकरणले जनाएको छ।
यस्तै बाराको सिम्रौनगढ नगरपालिका वडा नं ९ बसबरियामा एउटा गोठमा किरा धपाउन बालेको आगोबाट आगलागी हुदाँ ४ वटा बाख्रा, ४ वटा कुखुरा, एउटा साइकल, काठ गरी २ लाख ३० हजार रूपैयाँ बराबरको क्षति भएको हो।
आगलागीमा कुनै मानविय क्षति नभएको र आगलागीलाई स्थानिय, प्रहरी र दमकलको सहयोगमा नियन्त्रणमा लिईएको प्राधिकरणले जनाएको छ।
बुलेटिन
