कलैया, २६ जेठ। बाराको कलैया उपमहानगरपालिका वडा नं ४ अदालत नजिकै सवारी दुर्घटना हुँदा एकै परिवारका ४ जना घाइते भएका छन्।
आज बिहान करिब १० बजेतिर कलैया बाट गंजभवानिपुर तर्फ जादै गरेको प्र.२-०३०१२८ प ९४५० नं.को मोटरसाईकललाई सोही दिशा तर्फ जादै गरेको ना.५ प ६२९४ नं.को मोटरसाइकलले ठक्कर दिदाँ ४ जना घाइते भएका हुन्।
घाइते हुनेमा मोटरसाइकल चालक पर्साको वीरगन्ज महानगरपालिका वडा नं १८ बस्ने ४२ वर्षिय जिउ हुसेन, मोटरसाइकलको पछाडी सवार उनको श्रीमती ३५ वर्षिय सहारुन खातुन, उनको छोरी ४ वर्षिय सदमा खातुन र ६ वर्षिय नगमा खातुन रहेकी छन्।
घाइते मध्ये हुसेनलाई केही भएको छैन भने श्रीमती सहित छोरीहरुलाई टाउको, हात, खुट्टा, निधार, पेट र शरीरको भित्री भागमा चोटपटक लागेको जिल्ला प्रहरी कार्यालय बाराका प्रहरी प्रवक्ता एवम् प्रहरी नायब उपरीक्षक विजयराज पण्डितले जानकारी दिए।
घाइतेहरुको उपचार कलैया स्थित प्रादेशिक अस्पताल कलैयामा भईरहेको छ । यस्तै प्र. २-०३०१२८ प ९४५० नम्बरको मोटरसाइकल चालक कलैया उपमहानगरपालिका वडा नं २६ बस्ने २५ वर्षिय काशी प्रसाद यादव उपचार गराइरहेका छन्।
दुबै मोटरसाइकल अस्थायी प्रहरी पोस्ट बस पार्कको नियन्त्रणमा छन्।
