वीरगन्ज, ०४ असार। जिल्ला प्रहरी कार्यालय पर्साले अबैध लागुऔषध अफिम सहित ४ जनालाई पक्राउ गरेको छ।
वीरगन्ज महानगरपालिकाको वडा नं १० रजतजयन्ती चौक स्थित सडक खण्डमा खटिएको प्रहरीको टोलीले चेकजाँच गर्ने क्रममा ना ४६ प २५४० र ना ४० प ६४६९ नम्बरको मोटरसाइकलमा लुकाई छिपाई लैजादै गरेको अबैध लागुऔषध अफिम सहित ४ जनालाई पक्राउ गरिएको हो।
पक्राउ पर्नेमा पर्साको पटेर्वासुगौली गाँउपालिका वडा नं १ बस्ने ४० वर्षिय बिनोद गिरी, वडा नं ५ बस्ने ३३ वर्षिय प्रदिप चौधरी, २८ वर्षिय सुनिल कुमार श्रीवास्तव र ३४ वर्षिय रामेश्वर राउत रहेका छन्।
उनीहरूको साथबाट १ केजी अफिम बरामद भएको जिल्ला प्रहरी कार्यालय पर्साका प्रहरी प्रवक्ता एवम् प्रहरी नायब उपरीक्षक किशोर लम्सालले जानकारी दिए । उनीहरुमाथि लागुऔषध सम्बन्धी कसुरमा पर्सा जिल्ला अदालतबाट ५ दिनको म्याद लिई थप अनुसन्धान भईरहेको छ।
