कलैया, १५ भदौ। बारामा करेन्ट लागेर एक महिलाको मृत्यु भएको छ। सिम्रौनगढ नगरपालिका–५ कोनिहाटी चौरमा आइतबार अपराह्न करिब ३ः३० बजे घाँस काट्ने क्रममा करेन्ट लागेर कचोर्वा निवासी ५० वर्षीया अनिता देवी यादवको मृत्यु भएको प्रहरीले जनाएको छ।
Advertisement
प्रहरीका अनुसार घाँस काट्ने क्रममा भनु महतोको खेतमा पानी हाल्नका लागि जडान गरिएको विद्युतीय मोटरको तार हसियाले काट्दा करेन्ट लागेर यादवको घटनास्थलमै मृत्यु भएको हो ।
Advertisement
घटनाको जानकारी पाएलगत्तै इलाका प्रहरी कार्यालय सिम्रौनगढका प्रहरी निरीक्षक पवन पछाईको नेतृत्वमा प्रहरी टोली घटनास्थलमा पुगेर अनुसन्धान थालेको इलाका प्रहरी कार्यालय सिम्रौनगढले जनाएको छ।
Advertisement
प्रतिक्रिया लेख्नुहोस्
