नक्कली शैक्षिक प्रमाणपत्र बनाउन संलग्न भएको आरोपमा रास्वपा नेता पक्राउ -

कलैया, ०६ भदौ। नक्कली शैक्षिक प्रमाणपत्र बनाएर बिक्री गर्ने कार्यमा संलग्न भएको आरोपमा प्रहरीले राष्ट्रिय स्वतन्त्र पार्टी (रास्वपा) का एक नेतालाई पक्राउ गरेको छ। पक्राउ पर्नेमा चितवनको कालिका नगरपालिका-५ पदमपुर निवासी हरिप्रसाद कँडेल रहेका छन।

उनलाई रुपन्देहि प्रहरीले बुधबार पक्राउ गरेको हो। उनी रास्वपाको बागमती प्रदेश प्रशिक्षण विभाग संयोजक हुन्। रुपन्देहीका प्रहरी प्रमुख प्रहरी उपरीक्षक प्रदीप क्षेत्रीका अनुसार कँडेललाई चितवनबाट बुधबार पक्राउ गरी रुपन्देही ल्याइएको छ ।