काठमाडौं, २६ बैशाख। चलिरहेको कक्षा १२ को वार्षिक परीक्षामा काठमाडौँको साइपल एकेडेमी माविमा मर्यादा विपरित कार्य गरेको भन्दै राष्ट्रिय परीक्षा बोर्डले केन्द्राध्यक्ष र सहायक केन्द्राध्यक्षलाई निस्कासित गरेको छ।
यस्तै केही परीक्षा केन्द्रमा इलेक्ट्रोनिक्स डिभाइसहरु मोबाइल, स्मार्टवाच लगायतका निषेधित सामग्रीहरु लिएर गएका विद्यार्थीहरुको सबै इलेक्ट्रोनिक्स डिभाइस जफत गरिएको छ भने सम्बन्धित परीक्षार्थीको परीक्षा रद्ध गरिएको छ।
यसअघि नै राष्ट्रिय परीक्षा बोर्डले परीक्षाको मर्यादा विपरीत मोबाइल फोन लगायत इलेक्ट्रोनिक्स डिभाइस नलैजान र सुचनाको अवज्ञा गरे सम्पुर्ण परीक्षा रद्ध गरिने अभिभावक, शिक्षक, विद्यार्थी एवम् सरोकारवालासँग अनुरोध गरेको थियो।
काठमाडौंको साइपल एकेडेमीबाट निस्कासित भएका केन्द्राध्यक्ष र सहायक केन्द्राध्यक्षको ठाउँमा नयाँ केन्द्राध्यक्ष तोकिएको राष्ट्रिय परीक्षा बोर्डले जनाएको छ।
