कलैया, ८ वैशाख। शिक्षकहरूको काठमाडौं केन्द्रित आन्दोलन आज सोमबार पनि जारी रहेको छ । गत चैत २० गतेदेखि शिक्षकहरू काठमाडौंको माईतीघर मण्डलामा आन्दोलनरत छन ।
विद्यालय शिक्षा ऐन जारी गर्न माग गर्दै बारा जिल्लासहित देशभरका शिक्षक र विद्यालयका कर्मचारीहरु काठमाडौं केन्द्रित आन्दोलनमा छन। कक्षा १२ को परीक्षा वैशाख ११ गतेदेखि सुरू हुने परिक्षामा आफुहरु सहभागी नहुने समेत शिक्षकहरुले बताएका छन । राज्यले आफूहरुका माग छिटो सम्बोधन गर्नेमा आशावादी रहेको शिक्षकहरुले बताए।
प्रधानमन्त्री, शिक्षामन्त्री, सभामुखसँग समेत छलफल गरेपनि शिक्षकहरूले आन्दोलन छोडेका छैनन् । विद्यालय शिक्षा ऐन जारी नभएसम्म आन्दोलन जारी रहने शिक्षकहरूको अडान छ ।
प्रतिक्रिया लेख्नुहोस्
