कलैया, ३२ असार । संयुक्त अरब इमिरेट्स (युएई) को जेलमा रहेका एक सय २० जना नेपालीले आममाफी पाएका छन् । युएईको आवुधावीस्थित नेपाली राजदूतावासले बुधवार एक विज्ञप्ति जारी गरेर सो जानकारी दिएको हो।

Advertisement

राजदूतावासका अनुसार ईस्लाम धर्मालम्बीहरुको महान् पर्व इद अल–अदाहका अवसरमा युएई सरकारले विभिन्न घटनामा परेर युएईको जेलमा रहेका एक सय २० जना नेपालीलाई आममाफी दिएको हो।

नेपालीको बाँकी सजाय मिनाहा गरी आममाफी दिएको विज्ञप्तिमा उल्लेख छ।