कलैया, ०३ वैशाख । नेपाली कांग्रेसका महामन्त्री गगन थापाले कांग्रेस पार्टी अन्य पार्टी जस्तो नभएको र यहाँ फरक मत र आलोचना गर्न पाइने बताएका छन् । नेपाली कांग्रेस बारा क्षेत्र नम्बर ३ को प्रथम क्षेत्रीय सम्मेलनलाई उद्घाटन गर्न बारा आएका थापाले यस्तो बताएका हुन।

उनले भने, “प्रश्न पनि गर्नुपर्छ । कांग्रेस पार्टी हो यो, यहाँ प्रश्न पाइन्छ । यहाँ फरक मत राख्न पाइन्छ, प्रश्न राख्न पाइन्छ, आलोचना गर्न पाइन्छ । कसैले लिएर जाँदैन, कोही भीम रावल बन्दैन । किनकी यो कांग्रेस हो । यो हाम्रो पार्टी हो, बा को पार्टी होइन ।”