कलैया,०९ वैशाख । नेपाल शिक्षक महासंघको बैठक सम्पन्न भएको छ। बैठकले सडक आन्दोलनलाई निरन्तरता दिने निर्णय गरेको हो । त्यस्तै बैठकले कक्षा १२ को परीक्षाका कुनै पनि प्रक्रियामा सहभागी नहुन देशभरका प्रधानाध्यापक, शिक्षक तथा कर्मचारीलाई आग्रह गरेको छ ।
विगत २१ दिनदेखि काठमाडौंमा व्यापक सहभागितासहित चलिरहेको शैक्षिक सडक आन्दोलनलाई बल दिँदै विद्यालय, विद्यार्थी र शिक्षक-कर्मचारीमैत्री ऐन जारी गराउने महाअभियानलाई अघि बढाउन यो परीक्षाको प्रक्रियामा कुनै पनि हालतमा सहभागी नहुन हामी सबै प्रधानाध्यापक, शिक्षक तथा विद्यालय कर्मचारीमा जोडदार आग्रह गर्दछौँ,” महासंघका अध्यक्ष लक्ष्मीकिशोर सुवेदी र महासचिव तुलाबहादुर थापाले जारी गरेको विज्ञप्तिमा उल्लेख छ।
महासंघले विज्ञप्ति जारी गर्दै कक्षा १२ को परीक्षाका सबै केन्द्राध्यक्षहरूलाई काठमाडौं केन्द्रित शैक्षिक सडक आन्दोलनमा सहभागी हुन अनुरोध गरेको छ।
