चट्याङ लागेर एक जनाको मृत्यु

कलैया, ०७ जेठ। चट्याङ लागेर पर्सामा एक जना युवकको मृत्यु भएको छ । मृत्यु हुनेमा वीरगन्ज महानगरपालिका वडा नम्बर ३२ का १५ वर्षीय शिवशंकर माझी रहेको प्रहरीले जनाएको हो। पर्साको पर्सागढी नगरपालिका घर भई हाल उनी वीरगन्ज बस्दै आएका थिए।

घरमा सुतिरहेको अवस्थामा बुधबार बिहान माझीको चट्याङ लागेर मृत्यु भएको हो । चट्याङ लागेर मृत्यु भएका माझीको शव अहिले नारायणी अस्पतालमा पोस्टमार्टमका लागि राखिएको प्रहरीले जनाएको छ ।