कलैया, २४ असार। मधेश प्रदेशसभाको बैठक आज पनि अवरुद्ध भएको छ । लगातार आज तेस्रो दिन पनि विपक्षी दलको विरोधका कारण प्रदेशसभाको बैठक अवरुद्ध भएको हो ।

Advertisement

जनता समाजवादी पार्टी (जसपा) नेपाल, नेकपा (माओवादी केन्द्र), नेकपा (एकीकृत समाजवादी), सङ्घीय समाजवादी पार्टी, राप्रपा नेपाल, नागरिक उन्मुक्तिलगायतले तीन दिनदेखि बैठक अवरोध गरिरहेका छन् । बजेटमा विचौलिया हाबी भएकाले पुनर्लेखन नभएसम्म सदन चल्न नदिने विपक्षी दलका सांसदहरुको अडान छ ।

सभामुख रामचन्द्र मण्डलले विरोधका बीच बैठक बस्न नसक्ने भन्दै स्थगित गरेका हुन । अर्को बैठक बुधबार दिउँसो १ बजे बस्नेछ ।