Advertisement
कलैया, ०२ भदौ। सर्वोच्च अदालतले रौतहटको गौर हत्याकाण्डमा छानबिन गरी कारबाहीको माग गर्दै परेको रिटमा परमादेश जारी गरेको छ । त्रिभुवन शाहलगायतले गौरहत्याकाण्डबारे छानबिन गरी कारबाही हुनुपर्ने माग राखेर अदालतमा निवेदन दिएका थिए ।
सोमबार सो निवेदन उपर सुनुवाई गर्दै न्यायाधीशद्वय तिलप्रसाद श्रेष्ठ र नित्यानन्द पाण्डेयको संयुक्त इजलासले उक्त हत्याकाण्डको अनुसन्धानको काम अघि बढाउन परमादेश दिएको हो ।
२०६३ साल चैत ७ गते तत्कालीन मधेसी जनअधिकार फोरम र तत्कालीन नेकपा माओवादीले एकै स्थानमा मञ्च तयार पारी कार्यक्रमको आयोजना गर्दा कार्यकर्ताबीचको विवादले उग्ररुप लिँदा २७ जना माओवादी कार्यकर्ताको हत्या भएको थियो ।
प्रतिक्रिया लेख्नुहोस्
