कलैया, ०७ भदौ। बाराको महागढीमाई नगरपालिका वडा नं ४ मल्हनी टोल र वडा नं ७ तेलकुवामा आज ३ हजारभन्दा बढी बृक्षारोपण तथा वितरण गरिएको छ।
महागढीमाई फाउण्डेशन नेपालको “स्वच्छ वातावरण, समृद्ध समाज” भन्ने कार्यक्रम अन्तर्गत मल्हनी टोलमा ३ हजारभन्दा बढी बोट बिरुवा वितरण तथा संरक्षण कार्य गरिएको हो। यस्तै तेलकुवा स्थित बाबा महेश्वरनाथ (शिव मन्दिर) मा २ सयभन्दा बढी बृक्षारोपण गरिएको फाउण्डेशनले जनाएको छ।
बृक्षारोपण तथा वितरण कार्यक्रममा अशोक कुमार यादव ,राम प्रवेश यादव , बिगु यादव ,पप्पु यादव ,दिपेन्द्र यादव,जयमङ्गल शाह कानु ,रामबाबु यादव, माया देबि यादव, सत्रुधन साह, अभी साह सहित वातावरण प्रति सजग स्थानीयहरुको सहभागिता रहेको थियो।
तस्वीरहरु
प्रतिक्रिया लेख्नुहोस्
