कलैया, १९ चैत। आजदेखि शुरु भएको माध्यमिक शिक्षा परीक्षा (एसईई) का लागि मधेश प्रदेशमा आन्तरिक तयारी पूरा भएको छ । यस वर्ष प्रदेशभरबाट ८७,५९२ जना विद्यार्थी परीक्षा दिँदै छन्।
परीक्षाको लागि प्रदेशभर २ सय ९९ वटा परीक्षा केन्द्र निर्धारण गरिएको शिक्षा विकास निर्देशनालय मधेश प्रदेशले जनाएकोछ । ती केन्द्रहरूमा १,३१६ विद्यालयका विद्यार्थी सहभागी हुनेछन् । परीक्षा सञ्चालन प्रभावकारी बनाउन जनशक्ति व्यवस्थापन पनि व्यापक रूपमा गरिएको छ ।
प्रदेशभर २ सय ९९ जना केन्द्राध्यक्ष, ४ सय ३३ जना सहायक केन्द्राध्यक्ष, ४ हजार २ सय ३५ जना निरीक्षक, ७ सय ३४ जना परीक्षा सहायक, एक हजार ६ सय ३ जना कार्यालय सहयोगी र परीक्षा केन्द्रमा ४ हजार ४ सय ८५ जना सुरक्षाकर्मी: कर्मी परिचालन गरिने छ।
जिल्लागत विवरणअनुसार, धनुषा जिल्लाबाट सबैभन्दा बढी १३,२६२ विद्यार्थी परीक्षामा सहभागी हुनेछन्, ती २०३ विद्यालयका विद्यार्थी हुन् । सबैभन्दा कम सप्तरी जिल्लाबाट ९,२७६ विद्यार्थी परीक्षामा सहभागी हुनेछन्, ती १६२ विद्यालयका हुन् ।
यस्तै सिरहा जिल्लाबाट ११ हजार ३८, महोत्तरीबाट ११ हजार ३ सय ५१, सर्लाहीबाट ११ हजार ३ सय ७१, रौतहटबाट ९ हजार ७ सय ७७, बाराबाट १० हजार ८ सय १४ र पर्साबाट १० हजार ७ सय ३ जना परीक्षार्थी सहभागी हुने छन्।
२०८१ मा मधेश प्रदेशबाट ८८ हजार ८ सय ५८ विद्यार्थी सहभागी भएकोमा यस वर्ष एक हजार २ सय ६७ जना कम सहभागी भएका छन् ।
