सुनको मूल्य एक हजार ८ सय रुपैयाँले घट्यो

बारा, १७ वैशाख । नेपाली बजारमा आज सुनचाँदीको मूल्यमा केही घटेको छ ।

सुन प्रतितोला एक हजार ८ सयले घटेर प्रतितोला रु दुई लाख ९२ हजार ७ सय कायम भएको नेपाल सुनचाँदी व्यवसायी महासङ्घले जनाएको छ ।

यस्तै चाँदी रु १०५ ले घटेर चार हजार ८१० कायम भएको महासङ्घले जनाएको छ ।

यस अघि हिजो एक तोला सुन दुई लाख ९४ हजार ५०० र एक तोला चाँदी रु चार हजार ९१५ मा कारोबार भएको नेपाल सुनचाँदी व्यवसायी महासङ्घले जनाएको छ ।