Advertisement
कलैया, १२ साउन। गोसाइँकुण्डमा स्नान गर्ने क्रममा वेपत्ता भएका दुई जना व्यक्ति मृत फेला परेका छन। मृत्यु हुनेमा बेलबारी नगरपालिका–११ का २८ वर्षीय मनोज न्यौपाने र विराटनगर महानगरपालिका–३ का २६ वर्षीय सुजन ढकाल रहेको प्रहरीले जनाएको छ ।
हिजो आइतबार पवित्र कुण्डमा स्नानका क्रममा बेपत्ता भएका दुवै जनाको शव आज निकालिएको छ । आइतबार घटना हुनासाथ नेपाल प्रहरी, सशस्त्र प्रहरी बल र नेपाली सेनाको संयुक्त टोली खोजी तथा उद्धारमा खटिएको थियो ।
समुद्र सतहदेखि चार हजार ३८० मिटरको उचाइमा रहेको तालमा स्नान गर्ने क्रममा डुबुल्की मार्दा कडा चिसो पानीको असरले रन्थनिएर लड्न गई डुबेर मृत्यु भएको हुनसक्ने बताइएको छ। एक जना लडेपछि उनलाई बचाउन जाँदा अर्का व्यक्ति पनि डुबेर बेपत्ता भएका थिए ।
प्रतिक्रिया लेख्नुहोस्
