कलैया, ०३ माघ । आगामी २१ फागुनमा हुने प्रतिनिधिसभा सदस्यको निर्वाचनका लागि नेकपा एमालेले बाराको ४ वटै निर्वाचन क्षेत्रमा उम्मेदवारको टुंगो लगाएको छ । आज बसेको नेकपा एमालेको सचिवालय बैठकले उम्मेदवार टुंगो लगाएको हो ।
बैठकले बारा निर्वाचन क्षेत्र नं. १ मा अच्युत मैनालीलाई उम्मेदवार बनाउने निर्णय गरेको छ । त्यस्तै, निर्वाचन क्षेत्र नं. २ मा बलवीर चौधरी, निर्वाचन क्षेत्र नं. ३ मा ज्वाला कुमारी साह र निर्वाचन क्षेत्र नं. ४ मा किसान श्रेष्ठलाई उम्मेदवार बनाउने निर्णय एमालेले गरेको हो ।
प्रतिनिधिसभा निर्वाचनको मतदान फागुन २१ गते हुँदैछ । मनोनयन दर्ता भने माघ ६ गते हुने छ ।
प्रतिक्रिया लेख्नुहोस्
