कलैया, २० फागुन । रुपन्देही निर्वाचन क्षेत्र नं ३ का स्वतन्त्र उम्मेदवार महेन्द्र यादवलाई प्रहरीले बैंकिङ कसुर मुद्दामा पक्राउ गरेको छ। सिद्धार्थनगर नगरपालिका–७ का ४८ वर्षीय यादवलाई चितवन जिल्ला अदालतले दोषी ठहर गरेपछि फरार रहेका अवस्थामा आज गल्लामण्डीबाट नियन्त्रणमा लिइएको हो।
अदालतले २०८१ फागुन २५ गते यादवलाई ३० लाख रुपैयाँ साँवा र सोही बराबरको जरिवाना तिर्नुपर्ने फैसला सुनाएको थियो। ‘आँप’ चुनाव चिह्न लिएर चुनावी मैदानमा उत्रिएका यादवले फैसला बमोजिमको कैद र जरिवाना भुक्तान नगरी फरार भएपछि प्रहरीले उनलाई उपस्थित गराउन खोजतलास तीव्र पारेको थियो।
जिल्ला प्रहरी कार्यालय रुपन्देहीका अनुसार उनलाई थप कारबाहीका लागि अदालतमा उपस्थित गराइनेछ।
प्रतिक्रिया लेख्नुहोस्
