बारा,२८ माघ । बारामा लागू औषध गाँजा सहित एक जना पक्राउ परेका छन । पक्राउ पर्नेमा भारतीय नागरिक वर्ष ४५ को बिजय श्रीवास्तव रहेको जिल्ला प्रहरी कार्यालय बाराका प्रबक्ता प्रहरी नायब उपरिक्षक प्रकाश सापकोटाले जानकारी दिए ।

Advertisement

जीतपुरसिमरा उपमहानगरपालिका वडा नम्बर १ स्थित पथलैयामा खटिएको प्रहरीले नारायणघाट बाट बिरगंज तर्फ आउँदै गरेको ना ६ ख ५३०९ नं.को यात्रुबाहक बसलाई रोकी चेकजाँच गरेको थियो ।

चेकजाँचो क्रममा उक्त बसमा सवार श्रीवास्तवको साथमा रहेको कालो ब्यागबाट अवैध लागु औषध गाँजा ४ किलो ५ सय ग्राम फेला परेको प्रहरीले जनाएको छ ।

उनलाई नियन्त्रणमा लिई आवश्यक कानूनी प्रकृया अगाडी बढाईएको प्रहरी नायब उपरिक्षक सापकोटाले जानकारी दिए ।