बारागढी गाउँपालिकामा करार तथा ज्यालादारी कर्मचारीहरूको सामाजिक सुरक्षा कोषका लागि विवरण संकलन सुरु -

कलैया, २२ वैशाख। बाराको बारागढी गाउँपालिकाले सामाजिक सुरक्षा कोषमा योगदान गर्ने प्रयोजनका लागि करार तथा ज्यालादारी कर्मचारीहरूको विवरण संकलन कार्य सुरु गरेको छ।

श्रम, रोजगार तथा सामाजिक सुरक्षा मन्त्रालयको निर्णय अनुसार, गाउँपालिकाले स्थानीय तहमा कार्यरत करार तथा ज्यालादारी कर्मचारीहरूको विवरण संकलन गर्न थालेको हो। गाउँपालिकाको कार्यलय र अन्तर्गत रहेका स्वास्थ्य चौकी तथा अन्य शाखाहरूमा कार्यरत कर्मचारीहरूलाई सामाजिक सुरक्षा कोषमा सुचिकृत हुन आग्रह गरिएको छ।