बारा,०५ फागुन । प्रहरी प्रधान कार्यालयले जिल्ला प्रहरी कार्यालय बाराका प्रवक्ता प्रहरी नायब उपरिक्षक प्रकाश सापकोटा सहित ४८ प्रहरी नायव उपरीक्षक (डीएसपी) को सरुवा गरेको छ ।
प्रहरी महानीरिक्षको आजको निर्णय अनुसार प्रहरी जनपद समूहतर्फका ४८ डिएसपीको सरुवा, काज व्यवस्थापन र पदस्थापन गरिएको हो । बारा का प्रहरी प्रवक्ता प्रहरी नायब उपरिक्षक सापकोटाको नेपाल प्रहरी प्रदेश कार्यालय मानव श्रोत ब्यवस्थापन शाखा पोखरामा सरुवा भएको छ ।
अब जिल्ला प्रहरी कार्यालय बारामा प्रहरी नायब उपरिक्षक बिजय राज पण्डित आउने भएका छन । पण्डित यस अघि ईलाका प्रहरी कार्यालय बुटवल,रुपन्देहिमा कार्यरत थिए ।
प्रतिक्रिया लेख्नुहोस्
