कलैया,१२ चैत । माध्यमिक शिक्षा परीक्षा (एसइई) मा मर्यादा विपरीत कार्य गर्ने दुई जना निरीक्षकलाई जिम्मेवारीबाट हटाउन केन्द्राध्यक्षलाई निर्देशन दिएको छ ।
बाराका प्रमुख जिल्ला अधिकारी वसन्त अधिकारीको अध्यक्षतामा मंगलवार बसेको एसइई परीक्षा समन्वय समितिको बैठकले उनीहरुलाई जिम्मेवारीबाट हटाउन निर्देशन दिइएको हो।
बाराको महागढीमाई नगरपालिका वडा नम्बर १ बरियारपुरमा रहेको गढीमाई महेन्द्र प्राविधिक नमुना माध्यमिक बिधालय केन्द्रमा निरीक्षकका रूपमा खटिएका प्रमोद कुमार यादव र विष्णु आचार्यले परीक्षाको मर्यादा विपरीत कार्य गरेकाले निरीक्षकको जिम्मेवारीबाट हटाउने निर्देशन दिइएको सहायक प्रमुख जिल्ला अधिकारी छविरमण भट्टराईले बताएका छन् ।
सो केन्द्रका दुबै निरीक्षकहरुलाई निरीक्षकको जिम्मेवारीबाट हटाउन केन्द्राध्यक्षलाई निर्देशन दिएको सहायक प्रजिअ भट्टराईले बताए।
आज परीक्षार्थीहरुले विज्ञान विषयको परिक्षा दिएका छन् ।
