कलैया, २४ चैत । बारामा बौलाहा कुकुरको टोकाईबाट तीन जना गम्भिर घाईते भएका छन । करैयामाई गाउँपालिका वडा नम्बर १ मधुवनमा शनिबार बौलाहा कुकुरको टोकाईबाट तीन जना बाल बालिका गम्भिर घाईते भएको वडा कार्यालयले जनाएको छ।
वडा अध्यक्ष सोनालाल साहका अनुसार घाईते हुनेमा सदाम हुसेनको ५ बर्षिय छोरी समैरा खातुन,अशोक चौधरीको ५ बर्षिय छोरी अन्नया चौधरी र मधुवनमा आफन्तकोघर आएका नाम थर नखुलेको करैयामाई गाउँपालिका वडा नम्बर ५ तेतरिया थोडियाही घर भएकी एक बालिका रहेकी छन।
बौलाहा कुकुर उनीहरुलाई घर भित्र प्रवेश गरी टोकेको वडा अध्यक्ष साहले बताए । उनका अनुसार बालिकाहरुको हात खुटृामा बौलाहा कुकुरले टोकेको हो । उनीहरुको उपचार स्थानीय स्वास्थ्य संस्थामा भएको छ । गाउँघरमा बिगत केही बर्ष देखि कुकुरहरुको बिगबिगी बढेको छ ।
प्रतिक्रिया लेख्नुहोस्
