26.3 C
Kalaiya

Sunday, August 31, 2025
spot_img
26.3 C
Kalaiya
Sunday, August 31, 2025

प्रतिबन्धित लागू औषध एम्पुल ओसार पसारमा संलगन तीन भारतिय पक्राउ

spot_img
spot_img
spot_img

कलैया ३२ असार । प्रहरीले बाराको पचरौता नगरपालिका वडा नम्बर २ चपुरी चौकबाट प्रतिबन्धित लागू औषध एम्पुल ओसार पसारमा संलगन तीन जना भारतिय नागरिकलाई पक्राउ गरेको छ ।

Advertisement

पक्राउ पर्नेमा भारत देश बिहार राज्य जिल्ला मोतिहारी बिजबनी पञ्चायत थाना जितना वडा नम्बर २ रेगनीया टोल बस्ने १९ को कन्हैया कुमार यादव , सोही टोल बस्ने २६ बर्षिय बलिराम कुमार यादव र सोही पञ्चायत वडा नम्बर १ बलुवा टोल बस्ने २० बर्षिय वकिल कुमार यादव रहेको जिल्ला प्रहरी कार्यालय बाराले जनाएको छ ।

Advertisement

ईलाका प्रहरी कार्यालय बारागढी बाराबाट प्रहरी निरीक्षक कुसुम नायकको कमाण्डमा खटिएको प्रहरी टोलीले उनीहरुलाई पक्राउ गरेको हो ।विशेष सूचनाको आधारमा इलाका प्रहरी कार्यालय महेन्द्रजयनगर बाराबाट असार २९ गते आईतबार बेलुका ५ बजेको समयमा बारा आदर्शकोतवाल गाउँपालिका वडा नम्बर ४ हर्नैया चौक स्थितमा दुईवटा आपको क्यारेटमा बेवारिसे अवस्थामा प्रतिबन्धित लागू औषध एम्पुल ४५०० पिस बरामद गरेको थियो ।

Advertisement

उक्त घटना बारे थप अनुसन्धान गर्दै जाँदा उक्त प्रतिबन्धित लागू औषध एम्पुल ओसार पसार मा तीनै जनाको संलग्नता रहेको प्रहरीले जनाएको छ ।पक्राउ परेका तीनै जना माथि आवशयक अनुसन्धान भईरहेको प्रहरीले जनाएको छ ।

प्रतिक्रिया लेख्नुहोस्

सिफारिस

सम्बन्धित खबर

ताजाखबर