Advertisement
कलैया, २९ असोज। सभामुख देवराज घिमिरेले मुलुकको समसामयिक वर्तमान राजनीतिक अवस्था सहजताका लागि दलहरूसँग परामर्श सुरु गरेका छन्।
उनले संसद् विघटनविरुद्ध सर्वोच्च अदालत जाने गृहकार्यलाई समेत अगाडी बढाएका छन् । सभामुखको कार्यकक्ष सिंहदरबारमा भएको छलफलमा विघटित प्रतिनिधिसभामा प्रतिनिधित्व गर्ने राजनीतिक दलका तत्कालीन प्रमुख सचेतक र सचेतक सहभागी रहेको सभामुखका प्रेस सल्लाहकार शेखर अधिकारीले जानकारी दिए ।
छलफलमा राष्ट्रिय स्वतन्त्र पार्टी (रास्वपा) को प्रतिनिधि सहभागी नरहेको पाइएको छ। संसद् विघटनको यो कदमले संसदीय लोकतन्त्र र संवैधानिक प्रक्रियामाथि गम्भीर प्रश्न उठाएको भन्दै सभामुखले यसअघि नै असन्तुष्टि व्यक्त गरिसकेका थिए ।
प्रतिक्रिया लेख्नुहोस्
