कलैया, १४ भदौ। भारतमा जारी टी-२० सिरिज अन्तर्गत आज भएको खेलमा नेपाल ‘ए’ ले आसामलाई ९ रनले पराजित गरेको छ। यो सँगै नेपालले जारी सिरिजमा दोस्रो जित निकालेको छ ।
आज (शनिबार) भएको तेस्रो खेलमा टस जितेर पहिले ब्याटिङ गरेको नेपाल ए ले २० ओभरमा ६ विकेट गुमाएर १९६ रन बनाएको थियो । नेपालले दिएको १९७ रनको लक्ष्य पछ्याएको आसाम २० ओभरमा १८७ रनमा अलआउट भएको हो। नेपाल ए का लागि सन्दीप जोराले सर्वाधिक ७४ रन बनाए । आदिलले १६ बलमा विस्फोटक ३५ रन बनाए ।
यसअघि बिहीबार भएको पहिलो खेलमा नेपाल ‘ए’ डिएलएस मेथडमा १५ रनले पराजित भएको थियो भने दोस्रो खेलमा ९६ रनले विजयी भएको थियो ।
प्रतिक्रिया लेख्नुहोस्
