सुनचाँदीको मुल्य इतिहासकै उच्च

कलैया, १४ माघ। नेपाली बजारमा आज (बुधबार) सुनचाँदीको मूल्यमा नयाँ रेकर्ड कायम भएको छ ।

आज सुन ९ हजार ५ सय रुपैयाँले बढेर प्रतितोला ३ लाख १८ हजार ८०० रुपैयाँ कायम भएको नेपाल सुनचाँदी व्यवसायी महासंघले जनाएको छ। मंगलबार सुन प्रतितोला ३ लाख ९ हजार ३ सय रुपैयाँमा कारोबार भएको थियो ।

बुधबार चाँदी प्रतितोला ४ सय ३० रुपैयाँले बढेर ७ हजार ३ सय रुपैयाँ पुगेको महासंघले जनाएको छ। मंगलबार चाँदीको मूल्य प्रतितोला ६ हजार ८ सय ७० रुपैयाँमा कारोबार भएको थियो।