काठमाडौं, १७ साउन। काठमाडौंको किर्तिपुर नगरपालिका–५, उज्ज्वल स्कुल नजिकको सडकखण्डमा मोटरसाइकलको ठक्करबाट घाइते भएका ६ वर्षीय बालकको उपचारका क्रममा मृत्यु भएको छ।
प्रहरीका अनुसार हिजो दिउँसो करिब साढे दुई बजे विष्णुदेवी मन्दिरबाट चारधारातर्फ जाँदै गरेको नम्बर नखुलेको मोटरसाइकलले बाटो काट्दै गरेका पर्साको वीरगञ्ज महानगरपालिका–२० घर भई हाल काठमाडौंको किर्तिपुर नगरपालिका–५, उज्ज्वल स्कुल नजिक बसोबास गर्दै आएका ६ वर्षीय संगीत खानलाई ठक्कर दिएको थियो।
दुर्घटनामा गम्भीर घाइते भएका बालकलाई उपचारका लागि न्यूरो अस्पताल, बाँसबारी लगिएको थियो। उपचारकै क्रममा आज बिहान साढे १२ बजे उनको मृत्यु भएको प्रहरीले जनाएको छ।
घटनामा संलग्न मोटरसाइकल र चालकको खोजी तथा घटनाबारे थप अनुसन्धान भइरहेको प्रहरीले जनाएको छ।
प्रतिक्रिया लेख्नुहोस्
