युक्रेनबाट दुईजना नेपालीको उद्धार -

कलैया, ३ असोज । युक्रेनबाट दुईजना नेपालीको उद्धार गरिएको छ । परराष्ट्र मन्त्रालयले आज एक विज्ञप्ति जारी गर्दै दुई नेपालीको उद्धार गरिएको पुष्टि गरेको हो । परराष्ट्र मन्त्रालयका अनुसार युक्रेनको सीमामा हिरासतमा रहेका रौतहटका जय प्रकाश साह र बाग्लुंगका सन्देश केसीलाई बर्लिनस्थित नेपाली दूतावासको समन्वय एवं सक्रियतामा उद्धार गरी आज अपराह्न नेपाल फर्काइँदै छ ।

उद्धार कार्यमा सहयोग गर्ने युक्रेनको सीमा सुरक्षा सेवा कार्यालय, गैरआवासीय नेपाली संघ, जर्मनी र अन्य निकाय, व्यक्ति, सरोकारवालाहरूलाई परराष्ट्र मन्त्रालयले धन्यवाद दिएको छ ।