Advertisement
कलैया, १७ असोज। जिल्ला प्रशासन कार्यालय मकवानपुरले हेटौंडाबाट काठमाडौं जाने छोटो दुरीका सबै सडकमा आजदेखि चार दिनसम्म राती सवारी आवागमनमा रोक लगाएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले भारी वर्षाको सम्भावना एवं बाढिपहिराको उच्च जोखम पूर्वानुमान गरेपछि सवारी साधान आवजावतमा रोक लगाइएको प्रमुख जिल्ला अधिकारी स्किम श्रेष्ठले बताएकी छन्।
हेटौंडाबाट भैसे भीमफेदी हुँदै काठमाडौं जाने सवारी साधनलाई आज असोज १७ देखि असाेज २० गते सम्म हरेकदिन साँझ ५ बजेदेखि बिहान ६ बजेसम्म आउजाउ गर्न रोक लगाइएको जिल्ला प्रशासन कार्यालय मकवानपुरले जारी गरेको सुचनामा उल्लेख छ।
त्यस्तै कान्तिलोकपथ हुँदै ललितपुर जाने सवारी साधनलाई समेत साँझ ४ बजेदेखि बिहान ६ बजेसम्म आउजाउ गर्न रोक लगाइएको प्रशासनले जनाएको छ ।
प्रतिक्रिया लेख्नुहोस्
