कलैया, ४ कात्तिक । यस वर्षको लक्ष्मीपूजाको दिन देशभर विद्युत्को कूल माग एक हजार ६ सय ५० मेगावाट रेकर्ड गरिएको छ ।
नेपाल विद्युत् प्राधिकरणका अनुसार लक्ष्मीपूजाको दिन हिजो साँझ एक हजार ६ सय ५० मेगावाट रेकर्ड गरिएको हो । यस्तै, लक्ष्मीपूजाको दिन एक हजार १५ मेगावाट बिजुली निर्यात भएको प्राधिकरणले जनाएको हो ।
प्राधिकरणका अनुसार गत वर्ष लक्ष्मीपूजाको दिन देशभरको कूल विद्युत् माग एक हजार ६०२ मेगावाट रहेको थियो । गत वर्षभन्दा यस वर्ष लक्ष्मीपूजा साँझ कूल बिजुली माग ४८ मेगावाट बढी भएको हो । प्राधिकरणले भारत र बङ्गलादेशमा बिजुली निर्यात गर्दै आएको छ ।
प्रतिक्रिया लेख्नुहोस्
