बारा, ०६ असार । बाराको विश्रामपुर गाउँपालिकाको १९औं गाउँ सभा आज शनिबार सम्पन्न भएको छ ।
गाउँपालिकाका अध्यक्ष जुल्फकार अलि भुटोको अध्यक्षतामा आयोजित उक्त गरिमामय सभामा आगामी आर्थिक वर्षका लागि कुल ३५ करोड ५१ लाख ३० हजार रुपैयाँको अनुमानित बजेट प्रस्तुत गरिएको छ ।
गाउँपालिकाको सर्वाङ्गीण विकास, आर्थिक समृद्धि र जनमुखी योजनाहरूलाई प्राथमिकतामा राख्दै सो बजेट सार्वजनिक गरिएको हो । उक्त गाउँ सभामा गाउँपालिकाकी उपाध्यक्ष श्रीमति प्रियंका देवी, प्रमुख प्रशासकीय अधिकृत सुनील प्रसाद केशरी लगायत वडा अध्यक्षहरूको उपस्थिति रहेको थियो ।
त्यसैगरी, सभामा सम्पूर्ण सभा सदस्य जनप्रतिनिधिहरू, गाउँपालिकाका कर्मचारीहरू, सुरक्षा व्यवस्थापनका लागि गाउँ प्रहरीहरू, सञ्चार क्षेत्रका पत्रकारहरू तथा स्थानीयहरूको सहभागिता रहेको थियो ।
प्रतिक्रिया लेख्नुहोस्
