Advertisement
बुटवल, ११ बैशाख। भारतको कश्मीरमा भएको आतंकवादी हमलामा मृत्यु भएका नेपाली नागरिक बुटवलका सुदीप न्यौपानेको शव आज बिहान बुटवलस्थित उनको घरमा ल्याइएको छ ।
Advertisement
Advertisement
जिल्ला प्रहरी कार्यालय रुपन्देहीका प्रहरी प्रवक्ता सुरज कार्कीले सुनौली नाका हुँदै सुदीपको शव आज बिहान ल्याइएको जानकारी दिए । उनको पार्थिव शरीर आज नै अन्त्येष्टि गर्ने तयारी छ । रुपन्देहीको बुटवल उपमहानगरपालिका १४ घर भए पनि उनी बुटवल ११ मा बस्दै आएका थिए ।
Advertisement
जम्मू काश्मिरको पहलगाममा उनी आमा बहिनी र ज्वाइँसहित घुमघामका लागि गएका थिए। आतंककारीहरूले हिन्दु पर्यटकलाई लक्षित गर्दै गरिएको हमलामा उनी पनि मारिएका हुन् ।
सुदिप न्यौपानेले सामान्य चिकित्सा अध्ययन गरेको विद्यालयले उनको श्रद्धाञ्जली सभा आयोजना गरेको छ। बि.स. २०७४ मा रम्भादेवी कलेज अफ मेडिकल साइन्सबाट समान्य चिकित्सा अध्ययन पुरा गरेका थिए।
प्रतिक्रिया लेख्नुहोस्
