बारा,२४ पुस । मौसम प्रतिकुल भएपछि कमजोर ‘भिजिबिलिटी’ हुँदा बुधबार पनि सिमरा विमानस्थलको उडान प्रभावित भएको छ ।
सिमरा विमानस्थलबाट काठमाडौंका लागि हुने उडानहरु दुई दिन देखि प्रभावित भएको विमानस्थलका प्रमुख बिष्णु प्रसाद अधिकारीले जानकारी दिएका छन । सिमरामा आज बिहानै देखि सबै उडान डिले भइरहेका छन ।
बुद्ध एयरका अनुसार आज बिहानैबाट कमजोर भिजिबिलिटीले सिमरामा उडान हुन नसकेको हो । सिमरा बाट काठमाडौंका लागि बुधबार निर्धारित समय बिहान १०ः४५ र ११ः५० को उडान हाल सम्म पनि उडान हुन सकेको छैन । आज बुद्ध एयरको निर्धारित ४ वटा उडान हुने भनिए पनि एउटा पनि उडान हुन सकेको छैन ।
प्रतिक्रिया लेख्नुहोस्
