भारतको प्रयागराजमा लागेको महाकुम्भ मेलामा पवित्र स्नान गरेर फर्किने क्रममा स्कार्पियो गाडी दुर्घटना हुँदा ४ जनाको मृत्यु भएको छ भने ६ जना गम्भिर घाइते भएका छन्।
शुक्रवार उत्तर प्रदेशको गोरखपुरमा विपरीत दिशाबाट आइरहेको ट्र्याक्टर र नेपाली भक्तजनहरू सवार स्कार्पियो एकआपसमा ठोक्किँदा ४ जनाको घटनास्थलमै मृत्यु हो।
मृत्यु हुनेमा सप्तरीको कञ्चनरुप नगरपालिका वडा नं ७ का शिक्षक उपेन्द्र नारायण चौधरीकी श्रीमती लिलादेवी चौधरी, वडा नं ७ का पर्शुराम चौधरी, वडा नं ५ पिपरा पूर्वका जितु यादवकी श्रीमती हरिहरदेवी यादव तथा सुनसरीको कुशाहा गाउँपालिका–१ की समतोलिया देवी यादव रहेका छन् ।
घटनामा शिक्षक उपेन्द्र चौधरी, जितु यादव लगायत ६ जना गम्भीर घाइते भएका छन् । उनीहरूलाई गोरखपुरको स्थानीय अस्पतालमा उपचारका लागि भर्ना गरिएको छ ।
प्रतिक्रिया लेख्नुहोस्
