30.1 C
Kalaiya

Sunday, August 31, 2025
spot_img
30.1 C
Kalaiya
Sunday, August 31, 2025

देशकै ठूलो पुरस्कार स्थापनार्थ धनगढीमा महायज्ञ, राधिका दासीको कथा वाचन

spot_img
spot_img

धनगढी,२० फागुन । कैलालीको धनगढीमा फागुन २१ गतेदेखि श्रीमद् भागवत सप्ताह ज्ञान महायज्ञ हुने भएको छ। सुदूरपश्चिमाञ्चल साहित्य समाजको आयोजनामा फागुन २१ गतेदेखि २७ गतेसम्म महायज्ञ हुने भएको हो।

Advertisement

महायज्ञमा राधिका दासीबाट भावगत कथा बाचन हुने समाजका अध्यक्ष तीर्थराज पाण्डेले जानकारी दिए। साहित्य समाजले देशको सर्वोच्च पुरस्कारका लागि अक्षयकोष स्थापनार्थ तथा सांस्कृतिक संग्राहलय निर्माणका लागि महायज्ञ आयोजना गर्न लागेको पाण्डेयको भनाइ छ।

Advertisement

‘ऐतिहासिक विरासत बोकेको र विभिन्न शक्तिपीठसहित पवित्र तथा पावन भूमीका रुपमा रहेको सुदूरपश्चिममा धर्म, संस्कृति र अध्यात्ममार्फत नवीन संदेश दिन महायज्ञको आयोजना गर्न लागेका हौं,’ उनले भने, ‘भाषा, साहित्य, कला, संस्कृति, पुरातत्व जस्ता बाङमयका क्षेत्रमा देशको सर्वोच्च पुरस्कारका लागि अक्षयकोष स्थापनार्थ र सांस्कृतिक संग्रहालय निर्माणको पवित्र उद्देश्यसहित महायज्ञ आयोजना गर्न लागेका छौं।’

Advertisement

उनले भाषा, साहित्य, कला र संस्कृतिको उन्नयनका लागि २०५१ सालमा स्थापना भएको साहित्य समाजले विगतका वर्षमा गरेको राष्ट्रिय तथा अन्तर्राष्ट्रिय साहित्यिक र सांस्कृतिक कार्यक्रमबाट यस क्षेत्रका गौरव गाथा बढ्दै साहित्यिक जागरण ल्याएको बताए।

महायज्ञकी प्रमुख बाचिकासमेत रहेकी राधिका दासीले पुण्य कार्यका लागि भइरहेको महायज्ञमा सबैलाई सहभागिताका लागि आग्रह गरिन्। महायज्ञ धनगढी उपमहानगरपालिका–१ पशुपति टोलमा रहेको महोत्सव लाग्ने स्थानमा हुने बताइएको छ। न्युज कारखाना

प्रतिक्रिया लेख्नुहोस्
Advertisementspot_img

ट्रेन्डिङ

Advertisementspot_img
Advertisementspot_img

सम्बन्धित खबर

ताजाखबर