कलैया, २ असोज। केहिदिन अघि भएको जेनजी आन्दोलनको क्रममा फेसबुकबाट राजीनामा घोषणा गरेका मधेस प्रदेशका मुख्यमन्त्री सतिशकुमार सिंहले औपचारिक रुपमा पदबाट राजीनामा नदिएपछि अहिले चौतर्फी आलोचना भैरहेको छ।
पार्टीको निर्देशन समेत नमाने पछि जनमत पार्टीको मधेस प्रदेश संसदीय दलले मुख्यमन्त्री सिंहलाई कारबाहीको सिफारिस गरेको छ । मुख्यमन्त्री सिंहसँग २४ घण्टाभित्र स्पष्टीकरण माग गरिए पनि जवाफ नदिँदा दलको बैठकले कारबाहीको सिफारिस गर्ने निर्णय गरेको संसदीय दलका नेता महेशप्रसाद यादवले पुष्टि गरेका छन।
त्यस्तै, यस अघिनै संसदीय दलले मुख्यमन्त्री सिंहसँगै सरकारमा रहेका मन्त्रीहरूलाई पनि फिर्ता बोलाउँदै मधेस सरकारलाई दिएको समर्थनसमेत फिर्ता लिएको जानकारी मधेश प्रदेश प्रमुखको कार्यालय र प्रदेशसभा सचिवालयमा पठाइसकेको छ ।
प्रतिक्रिया लेख्नुहोस्
