कलैया, ३ असोज। जेनजी आन्दोलनको क्रममा मधेश प्रदेशमा घर भएका मृतक परिवारलाई राहतस्वरूप प्रतिपरिवार दुई लाख ५० हजार प्रदान गर्ने मधेश प्रदेश सरकारले निर्णय गरेको छ ।
मधेस प्रदेश सरकार मन्त्रिपरिषद्को आज बसेको बैठकले उक्त निर्णय गरेको हो। त्यस्तै बैठकले सुशासन र भ्रष्टाचार नियन्त्रणको मागसहित भएको जेनजी आन्दोलनका क्रममा सहादत प्राप्त गरेका सहिदहरुप्रति प्रति प्रदेश सरकारद्वारा भावपूर्ण श्रद्धाञ्जली अर्पण गर्ने घोषणा गरिएको छ ।
आन्दोलनका क्रममा घाइते भएका प्रति शीघ्र स्वास्थ्यलाभको कामना गर्दै प्रभावकारी उपचार प्रबन्ध मिलाउनुपर्ने प्रदेश मन्त्रिपरिषद्को बैठकले निर्णय गरेकोे छ ।
प्रतिक्रिया लेख्नुहोस्
