Advertisement
कलैया, १३ असोज। वेस्ट इन्डिजविरुद्धको युनिटी कप टी–२० क्रिकेट शृंखलाको उपाधि नेपालले जितेको छ । आज भएको दोस्रो खेलमा नेपालले वेस्ट इन्डिजलाई ९० रनले पराजित गरेसंगै एक खेल अगावै नेपालले शृंखलाको उपाधि जितेको हो ।
युनाइटेड अरब इमिरेट्स (यूएई)को शारजाह क्रिकेट मैदानमा जारी खेलमा टस जितेर ब्याटिङमा उत्रिएको नेपालले २० ओभरमा ६ विकेट गुमाएर १७३ रन बनाएको थियो। नेपालले दिएको १७४ रनको बलियो लक्ष्य पछ्याएको वेस्ट इन्डिज ८३ रनमा अलआउट भएको हो।
पहिलो खेलमा १९ रनले वेस्ट इन्डिजलाई पराजित गरेको नेपालले आज पनि फराकिलो रनले पराजित गरेको हो। भोलि हुने अन्तिम खेल अगावै नेपालले टेस्ट राष्ट्रविरुद्ध ऐतिहासिक शृंखला समेत जितेको छ।
प्रतिक्रिया लेख्नुहोस्
