मधेश प्रदेशका मुख्यमन्त्री सिंहले असोज २८ गते विश्वासको मत लिने -

कलैया, २४ असोज। मधेश प्रदेशका मुख्यमन्त्री सतिशकुमार सिंहले असोज २८ गते विश्वासको मत लिने भएका छन् ।मुख्यमन्त्री सिंहले विश्वासको मत लिने व्यवस्था मिलाउन आग्रह गर्दै प्रदेश सभालाई पत्र पठाएका हुन् ।

“नेपालको संविधानको धारा १८८ को उपधारा (२) बमोजिम विश्वासको मतका लागि मिति २०८२/०६/२८ गते व्यवस्था मिलाई दिनुहुन अनुरोध गर्दछु,” मुख्यमन्त्री सिंहले लेखेको पत्रमा भनिएको छ ।