कलैया, १७ मंसिर। जिल्ला प्रहरी कार्यालय बाराले प्रतिबन्धित लागुऔषध ट्याब्लेट सहित भारतीय नागरिकलाई पक्राउ गरेको छ।
Advertisement
पक्राउ पर्नेमा भारतको विहार राज्यको मोतिहारी जिल्ला हरपुर पञ्चायत वडा नं १२ बस्ने ३२ वर्षिय मोहम्मद इमरान रहेको बाराका प्रहरी निमित् सुचना अधिकारी तथा प्रहरी निरीक्षक खेम प्रसाद नेपालले जानकारी दिए।
Advertisement
उनलाई इलाका प्रहरी कार्यालय छतवाबाट प्रहरी वरिष्ठ हवल्दार रामस्वरूप यादवको कमाण्डमा खटिएको प्रहरीको टोलीले विश्रामपुर गाउँपालिका वडा नं १ बटम चौकबाट बिआर ०५ एएम ६१५२ नम्बरको भारतीय मोटरसाइकल सहित पक्राउ गरिएको प्रहरी निरीक्षक नेपालले जानकारी दिए।
Advertisement
इमरानको साथबाट प्रहरीले अल्फाजोलम ट्याब्लेट ट्रिका १ एमजी ७२ पत्तामा ७ सय २० पिस र त्यहिँ ट्याब्लेट ०.५ एमजी ५२ पत्तामा ७८० ट्याब्लेट बरामद गरेको जनाएको छ।
प्रतिक्रिया लेख्नुहोस्
