प्रधानमन्त्री ओली बेइजिङमा

कलैया, १७ भदौ । प्रधानमन्त्री केपी शर्मा ओली बेइजिङ प्रस्थान गरेका छन । चीनको थियानजिन सहरमा आयोजित शाङ्घाई सहयोग सङ्गठन (एससिओ) ‘प्लस’को शिखर सम्मेलनमा सहभागी भएर उनी आज बेइजिङ प्रस्थान गरेका हुन ।

प्रधानमन्त्री ओली रेलमार्गबाट बेइजिङ पुगेको प्रधानमन्त्रीको सचिवालयले जानकारी दिएको छ । त्यसअघि प्रधानमन्त्री र उनको नेतृत्वको प्रतिनिधिमण्डललाई थियाजिन रेल स्टेशनमा स्थानीय सरकारका प्रमुख र कलाकारहरूले बिदाइ गरेका थिए ।