कलैया, २१ फागुन। रौतहटमा जारी प्रतिनिधिसभा निर्वाचनको क्रममा अर्काको नाममा मतदान गर्न खोज्ने एक जना युवकलाई प्रहरीले नियन्त्रणमा लिएको छ।
पक्राउ पर्नेमा रौतहटको राजपुर नगरपालिका वडा नम्बर ९ बैरिया बस्ने १८ वर्षीय अरजे हयात रहेका छन्। प्रहरीका अनुसार हयातले बैरिया अनाथालय मतदान स्थलबाट स्थानीय महमद आसिकको नाममा फर्जी मतदान गर्ने प्रयास गरेका थिए।
मतदान अधिकृत र सुरक्षाकर्मीले कागजात जाँच गर्ने क्रममा शंका लागेपछि उनलाई तत्काल नियन्त्रणमा लिइएको हो। पक्राउ परेका हयातलाई अहिले प्रहरी हिरासतमा राखिएको थप अनुसन्धान अगाडि बढाइने प्रहरीले जनाएको छ।
प्रतिक्रिया लेख्नुहोस्
